Annapurna Post Logo
Dish Home
    • श्यामरपाको अन्‍त्येष्टि
    • उच्‍चस्तरीय बौद्ध भिक्षुहरु तथा विश्‍वका विभिन्‍न भागहरुबाट आएका शिष्‍यहरुका साथे नेपाल सरकारका प्रतिनिधिको उपस्थितिमा श्यामर रिन्पोचेको अन्‍त्‍येष्टि  गरिँदै

     (तस्बीर: उमा विष्ट)

    • बाढीमा उद्धारको अभ्यास
    • बाढीमा हुन सक्ने जोखिम न्यून गर्नका लागि हेटौंडामा रहेको शसस्त्र प्रहरीले बुधबार हेनपा ११ थाना भर्‍याङस्थित राप्तीखोलामा उद्दारको अभ्यास गर्दै । 

     (तस्बीर: भानुभक्त आचार्य)

प्रमुख समाचार
मोदीको सुरक्षाका लागि संयुक्त 'रेकी' सुरु

भारतीय प्रधानमन्त्री नरेन्द्र मोदीको नेपाल भ्रमणमा चुस्त सुरक्षा मिलाउन सुरक्षा अधिकारीहरूको टोलीले बिहीबार राष्ट्रपतिभवन शीतल निवासदेखि बौद्धस्थित हायात रिजेन्सी होटेलसम्मको रेकी (भ्रमणस्थल निगरानी) गरेको छ।

नेपाली सेनाका भीभीआई सुरक्षा प्रमुख, नेपाल प्रहरी र सशस्त्र प्रहरीका डीआईजी तहका अधिकृतसहित मोदीका निजी सुरक्षाकर्मी सामेल रेकी टोलीले भीभीआईपी हिँड्ने बाटो, बस्ने आसन र द्विपक्षीय वार्ता हुने बैठक कक्षको समेत अध्ययन गरेको हो। यस क्रममा अन्तर्राष्ट्रिय सम्मेलन केन्द्र नयाँबानेश्वरस्थित संसद् भवन र त्यसवरपरको सुरक्षा अवस्थाबारे पनि अध्ययन गरियो।

टोलीले त्रिभुवन अन्तर्राष्ट्रिय विमानस्थलदेखि सोल्टी होटेलसम्मको सुरक्षा अवस्थाको पनि स्थलगत अध्ययन गर्ने भएको छ। गृह मन्त्रालय स्रोतका अनुसार त्रुटिरहित सुरक्षा व्यवस्थाका लागि रेकी कार्य दोहोर्‍याइनेछ।

ग्ल्यामर क्लिक्स्
फोटो :


घरका मूलढोकामा नागको चित्र टाँसी नागपञ्‍चमी पर्व मनाइदै

आज श्रावण शुक्ल पञ्‍चमी। सनातन हिन्दुहरूले नागपञ्‍चमी पर्व परम्पराअनुसार घरका मूलढोकामा नागको चित्र टाँसी पूजाअर्चना गरी मनाउँदैछन्। नागलाई पानी र वर्षाका देवता मानिन्छ। जुन घरमा नागको वास हुन्छ त्यहाँ लक्ष्मीको वास हुन्छ भन्ने धार्मिक विश्वासका साथ नागपूजा गरिने प्रचलन रहेको छ।

मोदीको भ्रमण व्यवस्थित गर्न छुट्टै संयन्त्र

भारतीय प्रधानमन्त्री नरेन्द्र मोदीको नेपाल भ्रमणलाई व्यवस्थित बनाउन सरकारले शक्तिशाली केन्द्रीय संयन्त्र बनाएको छ। प्रधानमन्त्री तथा मन्त्रिपरिषद् कार्यालयले मोदी विमानस्थलमा अवतरण गरेपछि नफर्किएसम्मको भेटघाट, सुरक्षा, यात्रा, खानपिन, बसोबासलगायतको व्यवस्था मिलाउन उच्चपदस्थ कर्मचारी सम्मिलित केन्द्रीय नियन्त्रण संयन्त्र बनाएको हो।

ग्रिनकार्ड लिएर फर्कने सपनामा ठगिँदा...

तनहुँ घाँसीकुवा स्वास्थ्यचौकीमा कार्यरत अनमी बालकुमारी रेग्मी अमेरिकाको 'मल्टिपल' भिसा लागेको खबरले औधी खुसी भइन्। सरकारी जागिरबाट दुई वर्षका लागि बिदा लिइन् र साथीभाइलाई सुनाइन्, 'म अब ग्रिनकार्ड लिएरमात्र स्वदेश फर्कन्छु' धेरै साथीभाइ र परिवारका सदस्यले उनलाई भाग्यमानी भन्दै बधाई दिए। कतिपयले त यो कसरी अमेरिका जान लागी भनेर पत्याएनन् पनि। नपत्याउनेलाई उनी तुरुन्त भिसा देखाइदिन्थिन् अनि पत्याउन करै लाग्थ्यो। राहदानीमा अमेरिकाको पाँचबर्से भिसा लागेको थियो।

मोदी भ्रमणमा आकाश मार्ग विस्तारको प्रस्ताव

भारतीय प्रधानमन्त्री नरेन्द्र मोदीको आगामी आइतबार हुने नेपाल भ्रमणका अवसरमा सरकारले नेपाल-भारत आकाश मार्ग विस्तारको प्रस्ताव लैजाने भएको छ। संस्कृति, पर्यटन तथा नागरिक उड्डयन मन्त्रालयले उच्च प्राथमिकतामा राखेको हवाई मार्ग विस्तारको प्रस्ताव स्वीकृत गराउने तयारी भएको हो।

अब पुरुष जिस्क्याउने महिला पनि दण्डको भागीदार

कानुनमन्त्री नरहरि आचार्यले महिलालार्इं जिस्क्याउने, अभद्र व्यवहार गर्ने पुरुष दण्डित हुनु परेझैं कुनै दिन पुरुषलाई जिस्क्याउने पनि दण्डको भागीदार बन्नुपर्ने बताएका छन्। लैंगिक हिंसा अन्त्य गर्न 'केही नेपाल ऐनलाई संशोधन गर्ने' विधेयकका बारेमा सभासद्ले उठाएका प्रश्‍नको उत्तर दिने क्रममा मन्त्री आचार्यले यस्तो धारणा राखेका हुन्।

पोखरामा आजदेखि महजात्रा

चर्चित कलाकार मदनकृष्ण श्रेष्ठ र हरिवंश आचार्यले पोखराको रंगमञ्‍च शुक्रबारदेखि तताउने भएका छन्। चार दिनसम्म पोखराको सभाहलमा हुने टुबोर्ग महजात्रामा महजोडीलगायतका कलाकारले रंगमञ्‍च तताउने भएका हुन्।

फुजेल घटनाका तीन आरोपी धरौटीमा छुटे

रत्‍ननगर नगरपालिकाको बकुलहरमा दस वर्षअघि गोली हानी हत्या गरिएका गोरखा फुजेलका कृष्णप्रसाद अधिकारीको हत्या आरोप लागेर फरार तीनजना बिहीबार जिल्ला अदालत चितवनमा हाजिर भए। थुनछेक बहसपछि उनीहरूलाई बिहीबार नै धरौटीमा रिहा गरिएको छ। अधिकारी हत्या आरोपीमध्ये हिमलाल अधिकारी २७ हजार, वेदनाथ पौडेल र कालीप्रसाद अधिकारी जनही २० हजार रुपैयाँ धरौटी राखेर रिहा भएको अदालतका नायब सुब्बा जयनारायण आचार्यले जानकारी दिए।

श्‍यामर रिन्पोचेको अन्‍त्‍येष्टि सम्‍पन्‍न

 (तस्बीर: उमा विष्ट)

समर रिन्पोचेप्रति श्रद्धा र भक्ति अर्पण गर्दै हजारौं शिष्य र सहयोगीले बिहीबार उनको अन्तिम बिदाइ गरेका छन्। ६२ वर्षीय रिन्पोचेको पार्थिव शरीर रानीबनस्थित सर्मिनाभ गुम्बामा बनाइएको 'निर्वाण चैतन्य' मा सत्रौं कर्मापाले अग्निलाई समर्पित गरे। उक्त अवसरमा कर्मापासँगै उच्चस्तरीय लामा, बौद्ध भिक्षुहरू तथा कूटनीतिक क्षेत्रका प्रतिनिधिसमेतको ठूलो सहभागिता थियो।

इबोला भाइरसले ७ सय २९ को मृत्यु

खतरनाक इबोला भाइरसबाट पश्चिमी अफ्रिकी देशमा ७ सय २९ जनाको मृत्यु भइसकेको जानकारी संयुक्त राष्ट्रसंघले दिएको छ। यो भाइरस गत फेब्रुअरी महिनादेखि द्रुत गतिमा फैलिरहेको छ। सियरा लियोनमा मात्र यो भाइरसले दुई सय ३३ जनाको ज्यान लिइसकेको छ। यस भाइरसविरुद्ध औषधि निकाल्ने कार्यमा जुटेका डा. सेक उमार खानको पनि मृत्यु भएको छ। इबोला भाइरसमा सतर्कता अपनाउँदै सियरा लियोनका राष्ट्रपतिले देशमा सार्वजनिक स्वास्थ्य क्षेत्रमा आपत्काल घोषणा गरेका छन्।

सम्पादकीय
मानहानि र जनता
फोटो फिचर
विचार
सुरक्षासँग जोडिएको नागपञ्‍चमी
- प्रा. वीणा पौड्याल
कार्टून
अन्तर्वार्ता
कर्जा विस्तारमा सीडी रेसियो बाधक

विशेष
 

© २०१३ नेपाल न्युज नेटवर्क इन्टरनेसनल प्रालिद्बारा प्रकाशित तथा मन्त्र नेटवर्क प्रा.लि.द्बारा न्युजस्कुपमा विकसित एवं भण्डारण
कार्यालय : कर्पोरेट टावर, तीनकुने, काठमाडौं | पोष्ट बक्स नं २४९९९ | फोन ४४८२३०५/४४८२२०७/४४६९७५८ | इमेल: annapurna@annapost.com | द.नं. १३५/०५८/०५९, म.क्षे.हु.नि.द.नं. ०६९\०७०