MENU

अन्तर्राष्ट्रिय हवाई यात्रु ३५ लाख : पहिलो नम्बरमा नेपाल वायुसेवा निगम

635x90_1

उत्तम काप्री बिहीबार, फागुन ५, २०७३ 63335 पटक पढिएको

Share This

635-X-85

काठमाडौं : त्रिभुवन अन्तर्राष्ट्रिय विमानस्थल हुँदै अन्तर्राष्ट्रिय यात्रा गर्ने हवाई यात्रुको संख्या बढ्दै गएको छ। गत वर्ष सन् २०१६ मा ३५ लाख १० हजारभन्दा बढी यात्रुले मुलुकको एकमात्र अन्तर्राष्ट्रिय विमानस्थल हुँदै विभिन्न मुलुकको आवात-जावत गरे। यो संख्या सन् २०१५ को तुलनामा दुई लाख ९३ हजारले बढी हो। अघिल्लो वर्ष ३२ लाख १७ हजारले अन्तर्राष्ट्रिय यात्रा गरेका थिए।

नेपाल नागरिक उड्डयन प्राधिकरण त्रिभुवन विमानस्थल कार्यालयका अनुसार गत वर्ष १८ लाख २३ हजार पाँच सय ९८ यात्रु नेपालबाट बाहिरिएका थिए भने १६ लाख ८७ हजार एक सय ४४ यात्रु नेपाल भित्रिए। अघिल्लो वर्ष त्रिभुवन विमानस्थल हुँदै बाहिरिने र भित्रिने हवाई यात्रुको संख्या क्रमशः १६ लाख ७४ हजार र १५ लाख ४२ हजार थियो।

त्रिभुवन विमानस्थलका प्रवक्ता प्रेमनाथ ठाकुरका अनुसार सन् २०१६ मा त्रिभुवन विमानस्थलमा २७ हजार एक सय १८ अन्तर्राष्ट्रिय उडान अवतरण भएका थिए। अघिल्लो वर्ष यो संख्या २६ हजार पाँच सय ६३ थियो। उडान संख्या पनि अघिल्लो वर्षको तुलनामा पाँच सय ५५ ले बढी हो। नेपाली आकाश हुँदै अन्तर्राष्ट्रिय उडान भर्ने एयरलाइन्सको संख्या पनि २८ पुगेको छ। यसमा तीन वटा नेपाली कम्पनी पनि सामेल छन्। राष्ट्रिय ध्वजावाहक नेपाल वायुसेवा निगम, हिमालय एयरलाइन्स र बुद्ध एयरले अन्तर्राष्ट्रिय उडान भर्दै आएका छन्। बुद्धले भारतको बनारसमा सातामा दुईवटा उडान भर्दै आएको छ।

नेपालको हवाई भाडा विश्वकै महँगो पर्छ। तर पनि हवाई यात्रा गर्ने यात्रुको संख्या भने बढ्दै गइरहेको छ। पर्यटकीय मुलुक नेपालले आफ्नै पर्याप्त विमान उडाउन नसक्दा भाडादर विश्वकै महँगो पर्न गएको हो। नेपालबाट अन्तर्राष्ट्रिय उडानमा विदेशी कम्पनीको एकाधिकार रहेकाले ती कम्पनीले मनलाग्दी भाडा असुल्दै आएका छन्। नेपालको पर्यटन व्यवसायका लागि यो दुःखद कुरा हो।

निगम अग्रस्थानमा
सन् २०१६ मा अन्तर्राष्ट्रिय उडान भर्ने विमान कम्पनीमध्ये सबैभन्दा बढी यात्रु बोकेर नेपाल वायुसेवा निगम नम्बर वान बनेको छ। निगमले तीन लाख ८४ हजार तीन सय २७ यात्रु ओसार-पसार गरेको छ। यो संख्या सन् २०१५ कोभन्दा एक लाख ३० हजार ६ सय ६९ ले बढी हो। सन् २०१५ मा निगमले दुई लाख ५३ हजार ६ सय ५८ यात्रुलाई सेवा दिएको थियो।

नेपालको हवाई भाडा विश्वकै महँगो पर्छ। तर पनि हवाई यात्रा गर्ने यात्रुको संख्या भने बढ्दै गइरहेको छ। पर्यटकीय मुलुक नेपालले आफ्नै पर्याप्त विमान उडाउन नसक्दा भाडादर महँगो पर्न गएको हो।

‘निगमले जहाज थपेसँगै यात्रु संख्या बढ्दै गएका छन्। निगमको भाडादर अरु विमान कम्पनीकोभन्दा सस्तो भएकाले पनि यात्रुको आकर्षण बढेको महाप्रबन्धक सुगतरत्न कंशाकार बताउँछन्। निगमले भारतका तीन वटा सहर (दिल्ली, मुम्बई र बैंगलोर), मलेसियाको क्वालालम्पुर, कतारको दोहा, थाइल्यान्डको बैंकक गरी आठ वटा गन्तव्यमा अन्तर्राष्ट्रिय उडान भर्दै आएको छ। आगामी दिनमा निगमको हिस्सा अझै बढ्ने उनको भनाइ छ। निगमले दुई वटा न्यारोबडी एयरबस ३२० विमान भिœयाएपछि हवाई यात्रु बढेका हुन्। निकट भविष्यमा ल्याउन लागेको दुई वटा वाइडबडी एयरबस ३३० भित्रिएपछि निगमको उडान संख्या र यात्रुसंख्या दुवै बढ्दै जाने उनले बताए।

कुल एक अर्बको कारोबारमा नेपाली विमान कम्पनीले १० प्रतिशत पनि हिस्सा लिन सकेका छैनन्। अब यो हिस्सा बढाउँदै लैजाने निगमको उद्देश्य रहेको कंशाकारले बताए। सन् २०१८ भित्र आउने दुई वटा वाइडबडीले उडान भर्न थालेपछि यो हिस्सा २० प्रतिशत पुग्ने उनको दाबी छ। निगमले सन् २०१६ भरीमा आगमन र प्रस्थान गरी ३१ सय ५१ वटा उडान गर्‍यो।

दोस्रो स्थानमा रहेको कतार एयरवेयजले आगमन र प्रस्थान गरी १८ सय ७८ उडान भरेको छ। उसले वर्षभरीमा तीन लाख ४१ हजार सात सय ६४ जना यात्रु ओसार-पसार गरेको विमानस्थल कार्यालयले जनाएको छ। यस्तै, तेस्रो स्थानमा रहेको एयर अरेबियाले २५ सय ७३ वटा उडान भर्दै तीन लाख ४० हजार एक सय ३५ यात्रुलाई सेवा दिएको छ। चौथो स्थानमा रहेको जेट एयरवेजले २४ सय २४ उडान भर्दै तीन लाख ३४ हजार एक सय ७९ यात्रुलाई सेवा दिएको प्रवक्ता ठाकुरले बताए।
नेपाली आकाशमा अन्तर्राष्ट्रिय उडान भर्ने सबैभन्दा पछिल्लो एयरलाइन्स हो, बंगलादेशको रिजेन्ट। रिजेन्टले सन् २०१६ डिसेम्बरदेखि नेपालमा उडान भर्न सुरु गरेको थियो। रिजेन्टले ढाका-काठमाडौं-ढाका उडान भरिरहेको छ।

720x90_1
 
720x90
730-x-90-annapurnapost

प्रतिकृया दिनुहोस

635x90_2