MENU

एचआईभी संक्रमितलाई उपचार साक्षरता कक्षा

635x90

ईश्वरकाजी खाइजू शुक्रवार, असार ३०, २०७४ 2253 पटक पढिएको

Share This

भक्तपुर : भक्तपुरका एचआईभी एड्स संक्रमितहरुको लागि उपचारसम्बन्धी साक्षरता कक्षा लिइएको छ । एचआईभी एड्सको क्षेत्रमा कार्य गर्दै आएको सुरुवात सामुदायिक उपचार तथा पुनस्र्थापना केन्द्रले संक्रमित भएकै कारण हुने निराशा, कुन्ठा, तनावलाई व्यवस्थापन गर्दै सकारात्मक जीवनयापन गराउने उद्दश्यले उक्त कक्षा सञ्चालन गरेको हो ।

सुरुवातका कार्यक्रम संयोजक सुरेन्द्रविक्रम ध्वान्जूले सकारात्मक सोच र त्यसअनुसारको व्यवहारले संक्रमितहरुको शरीरको रोग प्रतिरोधी क्षमता बढ्ने भएकाले संक्रमितहरुलाई सदैव सकारात्मक जीवनयापन गराउने उद्देश्यले उक्त कक्षा लिइएको बताउनुभयो ।

कक्षामा सहजीकरण गर्नुभएका उहाँले संक्रमितलाई आफ्नो शारीरिक, मानसिक र आध्यात्मिक सोच र आचरणलाई सकारात्मक बनाउनेबारे कक्षा लिनुभएको थियो ।

‘एचआईभी संक्रमित भएपछि जीवन नै सिद्धियो भनेर औषधोपचारमै नआउने धेरै छन्’, कार्यक्रम संयोजक ध्वान्जूले भन्नुभयो, ‘संक्रमितलाई उत्साहित र आशावादी बनाउँदै औषधोपचारमा ल्याउन कक्षा सञ्चालन गरेका हौं ।’
भक्तपुरमा एचआईभी संक्रमण भएर पनि औषधोपचारमा नआउने धेरै छन् । संक्रमितमध्ये एकतिहाइले मात्रै जीवनदायिनी एन्टीरेट्रोभाइरल (एआरटी) सेवन गर्दै आएको सुरुवातले जनाएको छ ।

सुरुवातका कार्यक्रम अधिकृत पानोस शर्माले निरन्तर एआरटी सेवन गरिरहेकालाई उत्साहित गर्ने तथा औषधोपचारको पहुँचमा नआएकालाई आकर्षितक गर्न भक्तपुरमा एफएचआई ३६० को लिन्केज परियोजना सञ्चालन भइरहेको जानकारी दिनुभयो । सोही परियोजनाअन्तर्गत जिल्लाका संक्रमितहरुलाई एआरटीसम्म पहुँच पु¥याउँदै आएको उहाँको भनाइ छ ।

प्रतिकृया दिनुहोस

Annapurna635x90_1