MENU

हजका लागि २० लाख तीर्थयात्री आउने साउदीको अपेक्षा

635x90_1

अन्नपूर्ण आइतवार, साउन २९, २०७४ 1723 पटक पढिएको

Share This

635-X-85

हजयात्रीका लागि ३३ लाख अमेरिकी डलरको औषधी व्यवस्था

रियाद : साउदी अरेबियाले यस पटकको हज यात्राका लागि विश्वभरबाट झन्डै २० लाख तीर्थयात्री आउने अपेक्षा गरिएको जनाएको छ ।

हजमा सहभागी हुनेमध्ये १७ लाख जना विदेशी मुस्लिम समुदायका नागरिक हुने अल हायात नामक स्थानीय एक पत्रिकाले आइतबार लेखेको छ । गत वर्ष हजका लागि १८ लाखभन्दा बढी तीर्थयात्री आएकोमा अधिकांश विदेशी रहेका थिए । हज मेलाका लागि कामगर्न हज मन्त्रालयले ९५ हजार कर्मचारी खटाएको छ ।

हजका बेला विगतका कतिपय वर्ष रोगको प्रकोप फैलिने गरेको भएपनि यस वर्ष भने कुनै प्रकोप फैलिन नदिनेगरी व्यवस्थापन गरिएको स्वास्थ्यमन्त्रीले बताए ।

उनले विभिन्न उपाय अपनाउनेगरी तयारी भइरहेको र त्यसका लागि विश्व स्वास्थ्य सङ्गठन र अन्य अन्तरराष्ट्रिय संस्था तथा निकायसँग सहकार्य गर्न लागिएको पनि जानकारी दिए । मन्त्रालयले हज यात्रीका लागि लक्षित गरेर झन्डै ३३ लाख अमेरिकी डलरको औषधी तथा स्वास्थ्य सामग्रीको व्यवस्था गरिएको जनाएको छ । रासस/सिन्ह्वा

720x90_1
 
720x90
730-x-90-annapurnapost

प्रतिकृया दिनुहोस

थप सामग्री

635x90_2