MENU

एसीसी यू-१९ एसिया कप : नेपाल भारतसँग भिड्दै

अन्नपूर्ण आइतवार, कात्तिक २६, २०७४ 16189 पटक पढिएको

Share This

635-X-85_1

काठमाडौं : मलेसियामा जारी एसीसी यू–१९ एसिया कप क्रिकेट प्रतियोगितामा हाल नेपालले बलियो प्रतिद्वन्द्वी भारतको सामना गरिरहेको छ । बायुमास रंगशालामा जारी खेलमा भारतले टस जितेर नेपाललाई व्याटिङको निम्ता दिएको थियो ।

अपडेट : नेपालले भारतलाई १८६ रनको लक्ष दिएको छ । ५० ओभरमा नेपालले ८ विकेटको क्षतिमा १८५ रन बनाएको छ । नेपालका लागि कप्तान दिपेन्द्रसिंह ऐरीले सर्वाधिक ८८ रन बनाए । १०१ बलको सामना गरेका उनले ६ चौका र २ छक्का प्रहार गरे । जितेन्द्रसिंह ठकुरीले ३६ र भीम सार्कीले १५ रन बनाए ।

नेपालको ८ औ विकेटको रुपमा कप्तान दिपेन्द्रसिंह ऐरी आउट भएका छन् । १०१ बल खेलेका उनले ६ चौका र २ छक्कासहित ८८ रन बनाए ।

 ४६ औं ओभरमा सातौं विकेट झरेको छ । कमल ऐरी ५ रनमा आउट भएका छन् । किशोर महतो व्याटिङमा आएका छन् ४७ ओभरमा स्कोर १६२ रन पुगेको छ । 

ऐरीको छक्का सँगै नेपालको १५० रन पूरा भएको छ । ४६ औं ओभरको पहिलो बलमा कप्तान दिपेन्द्र सिंह ऐरीले छक्का प्रहार गरेका हुन् ।

नेपालको ६ विकेट गुमेको छ । ४१ औ ओभरमा १ रनमा पवन सराफ आउट भएका छन् । 

३९औ ओभरमा भीम सार्की आउट भएका छन् । २ चौका र १ छक्कासहित उनले २२ बलमा १५ रन बनाए । व्याटिङमा पवन सराफ आएका छन् । 

३४ औं ओभरमा नेपालको चौथो विकेट गुमेको छ । रोहित कुमार पौडेल ६ रनमा आउट भएका छन् । उनले १४ बलको सामना गरेका थिए ।भीम सार्की व्याटिङमा आएका छन् । कप्तान दिपेन्द्र सिंह ऐरीले अर्धशतक बनाएका छन । ७१ बलमा २ चौका र १ छक्काको मद्दतमा उनले अर्धशतक बनाएका हुन्।

नेपालको तेस्रो विकेट गुमेको छ । २८ औ ओभरमा ३६ रन बनाएर खेलिरहेका जितेन्द्रसिंह ठकुरी आउट भएका छन् । दिपेन्द्र र जितेन्द्रको जोडीले १०२ बलमा ४९ रनको साझेदारी गरे । नयाँ व्यट्म्यानको रुपमा  रोहितकुमार पौडेल मैदानमा  आएका छन् । नेपालको १०० रन पूरा भएको छ ३२ ओभरमा ३ विकेट को क्षतिमा नेपालको १०० रन पूरा भएको हो ।  

एसीसी यू-१९ एसियाकपमा ८ राष्ट्रले प्रतिस्पर्धा गरिरहेका छन् । नेपाल रहेको समूह ए मा नेपालसहित भारत, बंगलादेश र मलेसिया रहेका छन् भने समूह बी मा श्रीलंका, अफगानिस्तान, पाकिस्तान र युएई रहेका छन्। शनिबार बंगलादेशसँग नेपाल २ विकेटले पराजित भएको थियो । 

720x90_1
 
720x90
730-x-90-annapurnapost

प्रतिकृया दिनुहोस

635x90_2