MENU

मतदाता तर्साउन क्यानको बोत्तलमा बालुवा

लोकनाथ रिजाल बुधवार, मंसिर २०, २०७४ 671 पटक पढिएको

Share This

635-X-85_1

दमक : झापाको दमकस्थित हिमालय माविछेउमा बुधबार शंकास्पद फेला परेपछि त्यसलाई नेपाली सेनाको टोलीले डिस्पोज गरेको छ । मतदान केन्द्र तोकिएको हिमालय माविदेखी ३०० मिटर पर खेतमा सो शंकास्पद बस्तु फेला परेपछि राति नै स्थानीयले प्रहरीलाई खबर गरेका थिए ।

बम भनिए पनि सो शंकास्पद वस्तु क्यान जुसको बोत्तलमा बालुवा भरेर तर्साउन राखेको वस्तु रहेको नेपाली सेनाको २१ नम्बर बाहिनी केरखाले जानकारी दिएको छ । डिस्पोज गर्न आएको टोलीले बिहान एक्सक्लुसिभ बमको प्रयोग गरी डिस्पोज गर्दा ठुलो आवाज आएको स्थानीयले बताएका छन् । बम राखिएको हल्लाले रातभर स्थानीयबासी त्रसित भएका थिए ।

बिहीबारको निर्वाचनलाई मध्यनजर गर्दै कुनै उच्छृङखल समूहले त्यस्तो कार्य गरेको हुनसक्ने इलाका प्रहरी कार्यालय दमकका प्रहरी नायव निरीक्षक दिपक गिरीले जानकारी दिए । दमकमा रहेका सबै मतदान केन्द्रमा सुरक्षा व्यवस्था कडा पारिएको समेत उनले बताए ।

 

720x90_1
 
720x90
730-x-90-annapurnapost

प्रतिकृया दिनुहोस

635x90_2