MENU

भाइरल ज्वरोबाट मर्नेको संख्या पाँच पुग्यो

patan-college

रमित बिक बिहीबार, पुस २७, २०७४ 122 पटक पढिएको

Share This

635-x-85

बाजुरा : बाजुराको पाण्डवगुफा गाउँपालिकामा फैलिएको भाइरल ज्वरोका कारण मर्नेको संख्या पाँच पुगेको छ । बिहीबार बिहान वडा नम्बर २ थुपा नाथको मृत्यु भएसँगै मर्नेको संख्या पाँच पुगेको वडाध्यक्ष कर्णबहादुर विष्टले बताए ।

विष्टका अनुसार पाण्डवगुफामा भाइरल ज्वरोका कारण कर्ण शाही, मन विष्ट, सुपारी विष्ट र बना विष्टको मृत्यु भइसकेको छ । अहिले सबै वडामा भाइरल ज्वरोको संक्रमण फैलिएकोले बिरामीको संख्या बढिरहेको वडा नम्बर एकका अध्यक्ष रामलाल बोगटीले बताए ।

स्वास्थ्यकर्मीले मौसमी रुघाखोकी बताउने गरेको भाइरल ज्वरोको प्रभाव बाजुराका स्वामीकार्तिक र हिमाली गाउँपालिकामा समेत देखिएको छ । पाण्डवगुफा गाउँपालिकाका स्वास्थ्य प्रमुख पारस शाहीले भाइरल प्रभावित क्षेत्रमा औषधिसहितको टोली खटाएको जानकारी दिए ।

उनले भाइरल ज्वरोले दीर्घ रोगीलाई बढी असर गर्ने भएकाले झोलीलो खानेकुरा खान र चिसोमा बाहिर ननिस्किन सुझाव दिएका छन् ।

 

720x90_1
 720x90pix
  730-x-90-annapurnapost

प्रतिकृया दिनुहोस

635x90_2