MENU

मेक्सिकोको सीमामा पर्खाल लगाउने एजेण्डा यथावत : ट्रम्प

patan-college

एजेन्सी शुक्रवार, पुस २८, २०७४ 307 पटक पढिएको

Share This

635-x-85

वासिङटन : अमेरिकी राष्ट्रपति डोनाल्ड ट्रम्पले मेक्सिकोसँगको अमेरिकी सीमामा पर्खाल लगाउने आफ्नो पुरानो कार्यक्रम यथावतै रहेको बताएका छन्। उनले हाल रिपब्लिकन र डोमोक्र्याटहरूबीच भइरहेको वार्तामा पनि आफ्नो यो एजेन्डालाई कानुनकै रूपमा राख्न निर्देशन दिएका छन्। हाल उनीहरूबीच आप्रवासनसम्बन्धी वार्ता भइरहेको छ। आप्रवासनसम्बन्धी वार्तामा मेक्सिकोसँगको सीमामा पर्खाल लगाउनुपर्ने विषयलाई पनि कानुनका रूपमा राख्न उनले आग्रह गरेका हुन्। गत मंगलबार अमेरिकी राष्ट्रपतिको कार्यालय ह्वाइट हाउसका एक अधिकारीले सीमा सुरक्षामा कदम चाल्नु महत्वपूर्ण भएको भए पनि मेक्सिकोको सीमामा लगाउने भनिएको पर्खालको बारेमा भने तत्कालै कुनै पनि सम्भावना नरहेको संकेत गरेका थिए।

त्यसको प्रतिक्रियापछि राष्ट्रपति ट्रम्पले उक्त सीमा पर्खालबारे आफ्नो कार्यक्रममा रहेको र सो कार्यक्रम आफ्नो प्राथमिकताबाट कहिल्यै पनि नहट्ने पनि जानकारी दिएका हुन्। यसअघि केही अवैध आप्रवासीलाई संरक्षण दिने एउटा कार्यक्रम बन्द गर्न आफूले राखेको प्रस्तावमा अदालतले अंकुश लगाइदिएपछि राष्ट्रपति ट्रम्पले अमेरिकी न्याय प्रणाली कमजोर र अनुचित भएको बताएका थिए। उनले अवैध आप्रवासीलाई अमेरिकाबाट निकाल्नुपर्ने भनी बनाइएको प्रस्तावमा कैयौँ पटकसम्म सरकारी तथा अदालती झमेला खेप्नुपरेको छ।

त्यस्तै उनले मेक्सिकोसँग लगाउने भनेको पर्खालको विषयमा पनि विभिन्न प्रकारका विरोधी टिप्पणी आउने गरेका छन्। यस विषयमा यो असम्भव भन्दै उनको विरोध हुने गरेको छ। तैपनि त्यस विषयमा राष्ट्रपति ट्रम्प भने अडिग छन्। उनले उक्त कार्यक्रम आफ्नो राष्ट्रपतिको निर्वाचनकै एजेन्डा भएकोले गरेरै छोड्ने बताएका छन्। यसैगरी अमेरिकाले आफ्ना नागरिकलाई मेक्सिकोका पाँचवटा राज्यको भ्रमण्म नगर्न आदेश दिएको छ। कोलिमा, गुयर्रेरो, मिचोआकान, सिनालोआला र तामौलिपासलाई अमेरिकाले निकै खतरा भएका क्षेत्र बताएको छ। —एजेन्सी

720x90_1
 720x90pix
  730-x-90-annapurnapost

प्रतिकृया दिनुहोस

635x90_2