MENU

केन्याविरुद्ध नेपालको रोमाञ्चक जित

patan-college

अन्नपूर्ण सोमवार, माघ २९, २०७४

Share This

635-x-85_1

काठमाडौँः नामिबियामा जारी आइसीसी विश्व क्रिकेट लिग डिभिजन २ अन्तरगतको सोमबारको खेलमा नेपालले बलियो प्रतिद्वन्द्वी केन्यालाई पराजित गरेको छ ।

१७८ रनको चुनौती पछ्याएको नेपालले ४९.५ ओभरमा ७ विकेट गुमाउँदै केन्याले दिएको लक्ष्य भेटाएको हो । नेपाललाई जिताउने क्रममा सोमपाल कामीले अन्तिम बलमा रन बटुले ।

नेपाललाई जिताउने क्रममा आरके पौडेलले ८५ बलमा सर्वाधिक ४७ रन बनाए । कप्तान पारस खड्काले ४४ बलमा ४२ रनको योगदान दिए । त्यसैगरि अरिफ शेखले ८२ बलमा ४२ रनको योगदान गरे ।

यो जितसँगै नेपालले डिभिजन वान मा उक्लिने सम्भावना बढाएको छ । अब प्रतियोगिताको अन्तिम खेल नेपालले क्यानाडासँग खेल्दैछ । यो जितले नेपालको विश्वकप खेल्ने सम्भावना पनि बढेको छ। 

त्यसैगरी नेपालका लागि शरद भेशवाकरले ५७ बलमा १९ रन बनाउन सफल भए । केन्याका लागि इबी रिंगेराले सर्वाधिक तीन विकेट लिए । नेपालको बलिङतर्फ युवा स्पिनर सन्दीप लामिछानेले केन्याका ५ विकेट झारे ।

पढ्नुस्: सन्दीपको शानः एक्लैले झारे केन्याका पाँच विकेट

 

नामिबियाको विन्डहोक क्रिकेट ग्राउन्डमा भएको प्रतियोगिताको दशौँ खेलमा केन्याले नेपालका लागि मध्यम चुनौती दिएको थियो । उसका लागि स्कोर सम्मानजनक अवस्थामा पुर्याउने क्रममा ओपनहरुले सम्हालिएर खेले ।

केन्याका ओपनर करिमले १०० बलमा ४२ रन बनाए । त्यसैगरी अर्का ओपनर गतिलो पारी खेल्दै ४६ बलमा ४१ रनको योगदान दिए । केन्याका लागि को ओब्युयाले ६१ बलमा २७ रन बनाउँदा नटआउट रहेका ओडियाम्बोले ५७ बलमा २४ रनको योगदान दिए । त्यसैगरी अन्तिम क्रममा न्गोचेले १५ बलमा २३ रन बनाए ।

नेपालका १७ वर्षीय स्पिनर सन्दीपले पाँच विकेट लिने क्रममा उत्कृष्ट ब्याटिङ गरिरहेका ओबान्डालाई १६.६ ओभरमा पहिलो विकेटका रुपमा पेभेलियनको बाटो देखाए । ४६ बलमा ४१ रन बनाएको अवस्थामा सन्दीपले ओबान्डालाई आउट गर्दै नेपाललाई पहिलो सफलता दिलाएका थिए ।

त्यसैगरी सन्दीपले खेल १८.४ ओभरमा पुगेको अवस्थामा डिएम गोन्डारियालाई पनि पेभेलियनको बाटो देखाए । उनले ५ बलमा ४ रन बनाएको अवस्थामा गोन्डारियालाई आउट गर्न सफल भए ।

सन्दीपले ३३.१ र २ ओभरमा केन्याका लगातार दुई विकेट झार्न सफल भएका छन् । उनले ३३ ओभरमा पहिलो बलिङ गर्दै पाँचौ क्रममा आएका केन्याका कप्तान आरआर पटेललाई कप्तान पारस खड्कामार्फत क्याच आउट गराउन सफल भए ।

त्यसैगरी दोस्रो बलमा पनि उनले छैटौँ क्रममा क्रिजमा आएका आरएन पटेललाई एलबीडब्लु धरापमा पार्दै शून्य रनमा पेभेलियन फर्काइदिए ।

केन्याले पुरै ५ ओभर खेलेको अवस्थामा नेपालका लागि अन्तिम अर्थात् आठौँ विकेटका रुपमा सन्दीपले नै एनएन ओढियाम्बोलाई पेभेलियनको बाटो देखाइदिए । नेपालका लागि अन्य एक-एक विकेट वसन्त रेग्मी, शरद भेशवाकर र सोमपाल कामीको नाममा रह्यो ।

Nami
 720x90pix
  730-x-90-annapurnapost

प्रतिकृया दिनुहोस

730x90_Antenna_Relocation_Annapurnapost