इजरायलबाट फर्किए २५४ नेपाली

इजरायलबाट फर्किए २५४ नेपाली
इजरायलबाट फर्किएका विद्यार्थी त्रिभुवन विमानस्थलमा। तस्बिर : अभिषेक महर्जन।

काठमाडौं : युद्धग्रस्त बनेको इजरायलबाट २५४ जना नेपाली स्वदेश फर्किएका छन् । नेपाल वायु सेवा निगमको विमानबाट उनीहरू बिहीबार राति फर्किएका हुन् ।

विद्यार्थी लिन र इजरायलमा रहेका घाइते नेपाली र अन्यलाई भेट्न पुगेका परराष्ट्रमन्त्री एनपी साउदलगायत सरकारी अधिकारी सवार विमान स्थानीय समयअनुसार २ बजेर ३२ मिनेट (नेपाली समय ५ बजेर १७ मिनेट) मा नेपालका लागि उडेको थियो । उद्धारका लागि बिहीबार बिहान ३ बजे नेपाल एयरलाइन्सको विमान तेलअबिबस्थित बेन गुरियन अन्तर्राष्ट्रिय विमानस्थलमा पुगेकोे थियो । 

हमास समूहको आक्रमणमा परेर १० नेपाली विद्यार्थीको मृत्यु भएको थियो भने एक जना विद्यार्थी अझै सम्पर्कविहीन छन् । आक्रमण सुरु भएपछि उनीहरूलाई त्यहाँबाट सुरक्षित ठाउँमा स्थानान्तरण गर्नसमेत समस्या परेको थियो । 

नेपाली विद्यार्थीले आफू असुरक्षित रहेको भन्दै सुरक्षित स्थानमा सार्न आग्रह गरेको करिब चार दिनपछि मात्रै उनीहरूलाई पूर्णरूपमा उद्धार गरिएको थियो । सरकारले स्वदेश फिर्ता हुन चाहनेका लागि लिन नेपाल एयरलाइन्सको जहाज सरकारले पठाएको हो । 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.