२०१४ को विश्वकप हेरेर हुर्किएको पुस्ता हौं, आफ्नै नेतृत्वमा छनोट हुँदा गर्व लागिरहेको छ : रोहित पौडेल
कात्तिक १७, २०८० शुक्रबार १६:२७:२८
काठमाडौं : आइसीसी टी-२० विश्वकपमा छनोट भएपछि नेपाली टोलीका कप्तान रोहित पौडेलले भाग्यमानी र गर्व लागिरहेको बताएका छन्।
शुक्रबार भएको खेलपछि सञ्चारकर्मीसँग कुरा गर्दै कप्तान पौडेलले सन् २०१४ को विश्वकप नेपालले खेलेको हेरेर हुर्किएको पुस्ता आफूहरू भएको भन्दै आफ्नै नेतृत्वमा आइसीसी टी-२० विश्वकपमा छनोट हुँदा निकै भाग्यमानी र गर्व लागिरहेको बताए।
नेपाललाई विश्वकपसम्म पुर्याउनका लागि टिमका सबैले निकै मेहतन गरेको उनले बताए। विश्वपकको एसिया छनोटअन्तर्गत सेमिफाइनल खेलमा युएईलाई ८ विकेटले हराउँदै नेपाल विश्वकपमा छनोट भएको हो।
प्रतिक्रिया दिनुहोस !
