बिर्तामोडमा घरभित्रै वृद्धा मृत फेला,अनुसन्धानका लागि कुकुरसहितको टोली मगाइयो
वैशाख २६, २०८१ बुधबार ११:१६:२
झापा : झापाको बिर्तामोडमा एक वृद्धा मृत अवस्थामा फेला परेकी छन् । घटना शङ्कास्पद देखिएकाले सुनसरीको धरानबाट कुकुरसहितको टोली मगाइएको जिल्ला प्रहरी कार्यालय झापाका एसपी मिलन केसीले बताए ।
बिर्तामोड नगरपालिका–४ निवासी ६८ वर्षीया विष्णुमाया विष्ट बुधबार बिहान घरभित्रै मृत फेला परेकी हुन् । एसपी केसी आफै घटनास्थल पुगेका छन् । ‘प्रहरीले घटनास्थललाई सुरक्षित राखेको छ,’एसपी केसीले भने, ‘घटना शङ्कास्पद देखिएको हो,अहिले नै हत्या भएको वा नभएको भन्ने अवस्था छैन ।’
कुकुर आएपछि घटना बारेमा पत्ता लाग्ने उनको भनाइ छ । स्थानीयका अनुसार मंगलबार राति गाउँमा चोर आएको थियो । गाउँलेले चोर आएको थाहा पाएपछि लखेटेका थिए । त्यही चोरले एक्लै बस्दै आएकी वृद्धालाई मारेको हो कि भन्ने आशंका स्थानीयको छ।
प्रतिक्रिया दिनुहोस !
