नेपाल फर्कने तयारीमा रहेका राईको कोरियामा निधन

नेपाल फर्कने तयारीमा रहेका राईको कोरियामा निधन



दक्षिण कोरिया : झण्डै पाँच बर्षदेखि दक्षिण कोरियामा काम गर्दै आउनु भएका एक नेपालीको बिहिबार निधन भएको छ । स्वदेश फर्कनका लागि जहाजको टिकट समेत लिइसकेका अन्दाजी ३१ बर्षका कल्याण राईको निधन भएको हो । राई खोटाङको चिप्लिङका रहेको तथ्य खुलेको छ ।

चार बर्ष १० महिनाको भीसा अवधि पूरा गरी आगामी बैशाख २९ गते स्वदेश फर्कन हवाइजहाजको टिकट लिइसक्नु भएका राईको सुतेकै अवस्थामा निधन भएको हो । दक्षिण कोरियाको ख्वाङजिस्थित धागो कारखानामा काम गर्दै आउनु भएका राई सोही कम्पनीले उपलब्ध गराइएको आवासमा बस्नु भएको थियो । राई ढिलोसम्म पनि नउठेपछि साथीले उठाउन जाँदा मृत अवस्थामा फेला पारिएको कम्पनीका नेपाली कामदारहरुले बताएका छन । सोही कम्पनीमा कार्यरत रमेश कार्कीले राईको निधनका बारेमा नेपाली राजदूतावासलाई जानकारी गराउनु भएको हो । 

सियोलस्थित नेपाली राजदूतावासमा राईको निधनका बारेमा अनौपचारिक जानकारी आएको कार्यवाहक राजदूत किरण शाक्यले जानकारी दिनुभयो । राईको शवलाई पोष्टमार्टमका लागि प्रहरीले अस्पतालमा पुरयाएको छ ।
यसअघि पनि इटहरीका एक जना कामदारको सुतेकै अवस्थामा निधन भएको थियो । सुतेकै अवस्थामा निधन हुने नेपाली कामदारको संख्या बढन थालेपछि सरकारले त्यसको सत्यतथ्य पत्ता लगाउने गरी अध्ययन गर्नु पर्ने आवाज कोरियामा रहेका नेपालीहरुले उठाएका छन ।

 


प्रतिक्रिया दिनुहोस !

लोकप्रिय

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.