काठमाडौं: त्रिभुवन विश्वविद्यालय आयूर्वेद क्याम्पस कीर्तिपुरमा लामो समय निमित्त प्रमुख प्रमुखकै भरमा चल्दै आएको छ । नौ महिनादेखि निमित्तको भरमा चल्दै आएको उक्त क्याम्पसमा त्रिभुवन विश्वविद्यालय शिक्षण अस्पतालले फागुन २५ गते आयूर्वेद क्याम्पसको निमित्त प्रमुख डा. शिवमंगलप्रसाद शाहलाई नियुक्त गरेको छ ।
डा. शाहलाई तीन महिनाको लागि निमित्त प्रमुखमा नियुक्त गरिएको छ । अवकास प्राप्त पूर्व क्याम्पस प्रमुख प्रा.डा. दीपबहादुर (डीबी) रोक्काले नौ महिनादेखि निमित्त चलाइरहेका थिए ।
निमित्तको भरमा क्याम्पस चलाएर लथालिङ्ग भएको विद्यार्थी र प्राध्यापकहरुको आरोप छ । पुनः निमित्तमा पनि कनिष्ठ असिटेन्ट लेक्चरर डा. शाहलाई नियुक्त गरिएको भन्दै वरिष्ठ प्राध्यापक समेत आक्रोशित भएका छन् भने विद्यार्थी आन्दोलित छन् ।
९ महिनादेखि निमित्त प्रमुखको भरमा चलेको क्याम्पसमा पुन निमित्त प्रमुख नै नियुक्त गरेकोमा विद्यार्थी संगठन आन्दोलित भएका हुन् ।
उनीहरुले निमित्त प्रमुख पनि भागबण्डाको आधारमा कनिष्ठलाई दिएको आरोप लगाएका हुन् । कार्यवाहक स्ववियू सभापति प्रसान्त बस्नेतले निमित्त, त्यो पनि कनिष्ठलाई बनाएपछि आन्दोलित हुनु परेको बताए । ‘
रिटायर भइसक्नु भएका पूर्वक्याम्पस प्रमुखले ९ महिना चलाउनु भयो, अहिले फेरि कनिष्ठ लेक्चरलाई निमित्त नै बनाइयो', उनले प्रश्न गर्दै भने,‘निमित्तमाथि निमित्त नियुक्त गर्नु क्याम्पसलाई लथालिङ्ग पार्न खोजिएको छ त होइन ।’ उनले चिकिस्सा क्षेत्रमा वरिष्ठताको ठूलो अर्थ हुने समेत बताए ।
डा. गोविन्द केसीले वरिष्ठताको आन्दोलन चलाइरहँदा पनि उस्तै अवस्था हुनु दुर्भाग्य भएको उनले बताए । क्याम्पस लामो समयदेखि अस्तव्यस्त भएको उनले बताए । उनले शैक्षिक, प्रशासनिक तथा चिकित्सा सेवा अत्यन्त दयनिय रहेको बताए । उक्त निर्णय नसच्याए कडा आन्दोलन गर्ने समेत चेतावनी विद्यार्थीहरुले दिएका छन् ।
नेविसंघका सचिव सरोजमणि पोखरेलले सडकमा उत्रने चेतावनी दिए । स्ववियू र नेविसंघले वरिष्ठता तथा प्राज्ञिक वरिष्ठताको आधारमा पूर्णकालिन क्याम्पस प्रमुख तथा शिक्षण अस्पताल कार्यकारी निर्देशक नियुक्त गर्न त्रिविसँग गरेका छन् । उक्त क्याम्पसमा १६० विद्यार्थी अध्ययरत छन् ।
प्रतिक्रिया दिनुहोस !
