काठमाडौं : नेपाल विद्यार्थी संघले पेट्रोलियम पदार्थको मूल्यवृद्धि फिर्ता लिन माग गर्दै राजधानीमा प्रदर्शन गरेको छ। नेविसंघले मूल्य वृद्धि फिर्ता र महंगी नियन्त्रणको माग गर्दै शुक्रबार पशुपति, त्रिचन्द्र, रत्नराज्य, अस्कल, सरस्वती र मिनभवन क्याम्पस अगाडि विरोध प्रदर्शन गरेको हो।
सरकाले छोटो अवधिमै पटकपटक गरेर इन्धनको मूल्य वृद्धि गरेको विरोधमा नेविसंघले देशभर विरोध प्रदर्शन गर्दै आएको छ। सरकारले आन्दोलन र विरोध प्रदर्शनलाई कमजोर ठानेर मूल्यवृद्धि फिर्ता नलिए चरणबद्ध आन्दोलन गर्ने तयारी गरेको नेविसंघ उपाध्यक्ष प्रकाश रानाले जानकारी दिए।
प्रतिक्रिया दिनुहोस !
