वीरगन्ज : प्रहरीले ठूलो परिमाणमा सुनसहित एकजना तस्कर पक्राउ गरेको छ। नेपालबाट भारत तस्करी गर्न लागिएको अवस्थामा प्रहरीले वीरगन्जको शंकराचार्य गेट अगाडिबाट शु्क्रबार बिहान अन्दाजी एक केजी सुनसहित एकजना तस्कर पक्राउ गरेको हो।
पक्राउ पर्नेमा सर्लाहीको हरिपुर नगरपालिका- ९ का ३८ वर्षीय सन्तोष कुमार साह रहेका छन्। विशेष सुराकीको आधारमा प्रहरी चौकी इनर्वाबाट प्रहरी नायव निरीक्षक त्रिभुवन साहको नेतृत्वमा खटिएको प्रहरी टोलीले वीरगन्जबाट रक्सौल जाँदै गरेको साह सवार ना ४८ प ३७७४ नम्बरको मोटरसाइलक शंकराचार्य गेटमा रोकर चेकजाँच गर्दा मोटरसाइको सिटमुनि लुकाएर राखिएको ६ वटा टुक्रमा रहेको अन्दाजी एक केजी सुन बरामद भएको हो।
सुन सहित पक्राउ परेका साहलाई आवश्यक कारबाहीका लागि जिल्ला प्रहरी कार्यालय पर्सामा पठाइएको प्रहरी नायव निरीक्षक साहले जानकारी दिए।सुनसहित पक्राउ परेका साहलाई शुक्रबार दिउँसो १ बजे जिल्ला प्रहरी कार्यालयमा पत्रकार सम्मेलन गरि सार्वजनिक गरिने पर्साका प्रहरी उपरीक्षक रेवती ढकालले जानकारी दिए।
प्रतिक्रिया दिनुहोस !
