विर्तामोड : झापाको अर्जुनधारामा स्कुल बसमा तिब्र गतिको मोटरसाइकल ठोक्किँदा चालकको मृत्यु भएको छ । बुद्धशान्ति गाउँपालिका २ का मोटरसाइकल चालक २५ वर्षीय राजेश खनालको घटनास्थलमै मृत्यु भएको प्रहरीले जानकारी दिएको छ।
शनिश्चरे बुधबारे सडकखण्ड अन्तर्गत मगर चोकमा विर्तामोडको बाल्मीकी एजुकेसन फाउन्डेसनको मे १ ख २०१९ नम्बरको बसमा मे. ६ प ३६३३ नम्बरको मोटरसाइकल ठोक्किएको हो ।
विद्यार्थी लिएर जाँदै गरेको बसमा विपरित दिशाबाट आउँदै गरेको मोटरसाइकल ठोकिएको जिल्ला ट्राफिक प्रहरी कार्यालय झापाले जनाएको छ । अत्याधिक गतिका कारण मोटरसाइकल चालकको घटनास्थलमै मृत्यु भएको प्रत्यक्षदर्शीले जानकारी दिए ।
प्रतिक्रिया दिनुहोस !
