धरान : सप्तकोसी नदीमा पानीको बहाव बढेको छ। पूर्वी पाहाडि जिल्लामा हप्तादिनदेखि वर्षा भैरहेका कारण सप्तकासी नदीमा पानीको बहाव बढेको हो। सप्तकोसीमा पानीको बहाव बढेपछि कोसी ब्यारेजमा खतराको संकेतस्वरुप रातो बत्ती बालिएको छ। कोसीमा पानीको बहाव बढेपछि सप्तकोसी आसपासका क्षेत्रका स्थानीयको सुरक्षामा उच्च सर्तकता अपनाइएको छ।
सप्तकोसीमा बिहीबारदेखि पानीको बहाव ह्वात्तै बढेको जिल्ला प्रहरी कार्यालय सुनसरीका प्रहरी नायव उपरीक्षक नारायाणप्रसाद चिमोरियाले बताएका छन्। उनका अनुसार बिहीबार दिउँसो १२:१५ बजे पानीको बहाव प्रतिसेकेण्ड १ लाख ५४ हजार ३ सय ९५ क्युसेक पुगेको छ।
सप्तकोसीमा पानीको बहाव बढेपछि स्थानीय प्रशासनले यस क्षेत्रका बासिन्दाको सुरक्षाका लागि नेपाली सेना, सशस्त्र प्रहरी, नेपाल प्रहरीको उद्धार टोली तयारी अवस्थामा राखेको छ।
स्थानीय दुर्योधन घिमिरले सप्तकोसीमा पानीको बहाव बढ्दा समेत भारत सरकारले कोसी ब्यारेजका २४ ढाेका मात्र खुल्ला गरेको बताएका छन्। सबै ढोका नखोलिदिएका कारण कोसी आसपासका बासिन्दामा त्रास फैलिएको भन्दै सबै ढोका खोल्न आग्रह गरेका छन्।
प्रतिक्रिया दिनुहोस !
