ललितपुरको दोस्रो नगरसभा : बजेट अघिल्लो वर्षको भन्दा दुई सय प्रतिशत बढी

ललितपुरको दोस्रो नगरसभा : बजेट अघिल्लो वर्षको भन्दा दुई सय प्रतिशत बढी

ललितपुर  :   ललितपुर महानगरपालिकाले  आर्थिक वर्ष २०७५/०७६ को लागि ४ अर्ब  ६० करोड ७२ लाख ७८ हजारको बजेट विनोयजन गरेको छ । नगरप्रमुख  चिरीबाबु महर्जनले सोमबार भएको  दोस्रो नगरसभामा २०७५/०७६ को  उक्त बजेट प्रस्तुत गरेका हुन् । 

नगरप्रमुख महर्जनल प्रस्तुत गरेको बजेट अघिल्लो आर्थिक वर्षको भन्दा दुई सय प्रतिशत बढी आकारको  छ  । ललितपुर महानगरपालिकाका बजेट महाशाखाका प्रमुख डिल्लीराज शाक्यले चालु आर्थिक वर्षको बजेट गत वर्षको भन्दा दुई सय प्रतिशत ठूलो भएको जानकारी दिए ।

उनका अनुसार आर्थिक वर्ष ०७४/७५ मा महानगरले एक अर्ब २० करोड रुपैयाँको बजेट प्रस्तुत गरेको थियो । त्यस्तै ०७३/७४ मा ३१ करोड ६८ लाख ७२ हजार रुपैयाँको बजेट प्रस्तुत गरिएको थियो ।

यो वर्ष प्रत्येक वडाका लागि एक देखि डेढ करोडसम्म बजेट छुट्याइएको छ । तर ०७४/७५ मा वडाहरूले ५० लाख रुपैयाँ मात्र बजेट पाएका थिए आव ०७३/७४ मा २० देखि ३० लाख रुपैयाँ मात्रै दिइएको थियो 

यो वर्ष ललितपुर महानगरपालिकाले एक अर्ब १६ करोड रुपैयाँ राजस्व संकलन गर्ने लक्ष्य लिएको हो । असार मसान्त सम्ममा ६० करो सम्म उठ्न सक्ने अनुमान गरिएको राजश्व महाशाखाका प्रमुख शाक्यले जानकारी दिए ।

 महानगरको बजेटमा भौतिक पूर्वाधार, स्वास्थ्य, शिक्षालाई प्राथमिकताको सूचीमा राखेको छ । ललितपुरका अन्य नगरपालिका तथा गाउँपालिकाले भने यस अघि नै बजेट प्रस्तुत गरिसकेका छन् ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.