बिर्तामोड : इलामको सुर्योदय नगरपालिका– २ बागबिरेबाट प्रहरीले एक किलो लागुऔषध गाँजासहित सोही स्थानकी रिता रिजाललाई पक्राउ गरेको छ ।
रिजालले आफ्नै घरमा गाजाँ बेचविखन गर्ने गरेको भन्ने विशेष सूचनाका आधारमा प्रहरीले उनलाई पक्राउ गरेको हो । महिलालाई थप अनुसन्धानका लागि इलाका प्रहरी कार्यालय पशुपतिनगरमा राखिएको छ ।
यसैगरी प्रहरीले सुर्योदय नगरपालिका २ कामीडाँडास्थित सामुदायिक वनमा रहेको तीन सय गाँजाको बोट पनि नष्ट गरेको छ । सामुदायिक वनभित्र उम्रिएका गाँजाको बोट इलाका प्रहरी कार्यालय पशुपतिनगरबाट खटिएको टोलीले उखालेर नष्ट गरेको १ नम्बर प्रदेश प्रहरी कार्यालय, बिराटनगरले बताएको छ ।
प्रतिक्रिया दिनुहोस !
