विराटनगर : कोसी राजमार्गअन्तर्गत मोरङको बुढीगंगा गाउँपालिका-३ शान्ति चोकमा मंगलबार दिउँसो यात्रुबहाक बसको ठक्करबाट एकजनाको मृत्यु भएको छ। विराटनगरबाट यात्रु लिएर उदयपुरतिर जाँदै गरेको ना ४ ख ५००८ नम्बरको बसले ठक्कर दिँदा साइकलमा यात्रा गरिरहेका बुढीगंगा-३ का ६५ वर्षीय विर्खबहादुर कार्कीको मृत्यु भएको प्रहरीले जनाएको छ।
बसको ठक्करबाट गम्भीर घाइते भएका कार्कीलाई उपचारका लागि कोसी अञ्चल अस्पताल विराटनगरमा भर्ना गरिएको थियो।
प्रहरीका अनुसार उपचारकै क्रममा दिउँसो करिब साढे१ बजे मृत्यु भएको हो। बस र चालक सप्तरीको सप्तकोसी नगरपालिका-१ का कुशुमलाल साहलाई नियन्त्रणमा लिएको प्रहरीले जनाएको छ।
प्रतिक्रिया दिनुहोस !
