चितवन : चितवनको इच्छाकामना गाउँपालिका-३ कुरिनटारमा ट्यांकर दुर्घटना हुँदा तीनजाको मृत्यु भएको छ भने चारजना घाइते छन्।
भरतपुरबाट दूध लिएर काठमाडौं जाँदै गरेको बा २ घ ५६५ नम्बरको ट्यांकर अनियन्त्रित भइ दुर्घटनामा परेको हो।
इलाका प्रहरी कार्यालय मुग्लिनका प्रहरी निरीक्षक धर्म केसीका अनुसार ट्यांकरमा चालकसहित तीनजना सवार थिए। ट्यांकरले सडक छेउमा रोकिराखेको ग २ च १७५१ नम्बरको भ्यान र नजिकै उभिएका चारजनालाई ठक्कर दिएको हो।
ट्यांकर ठक्कर दिँदै खोलामा पुगेको छ। प्रहरीले घाइते सबैलाई उद्धार गरेर चितवनका विभिन्न अस्पतालमा पुर्याएको छ।
उपचारका क्रममा धादिङका २५ वर्षीय चन्द्रबहादुर नेपालीसँगै अनुमानित २१ वर्षीय युवक र ११ वर्षीय एक बालकको मृत्यु भएको भरतपुर अस्पतालले जनाएको छ।
अर्का एक घाइतेको भरतपुर अस्पतालमै उपचार भइराखेको छ।
प्रतिक्रिया दिनुहोस !
