बाँकेलाई कर्णाली प्रदेशमा गाभ्न मेयरले नेतृत्व गर्ने
नेपालगन्ज : नेपालगन्ज उपमहानगरपालिकाका प्रमुख डा. धवल शम्शेर राणाले बाँके जिल्लालाई कर्णाली प्रदेशमा गाभ्न आपूmले नेतृत्व गर्ने घोषणा गरेका छन्।
शेयरकाष्ट इनिशियटिभ नेपालले बुधबार नेपालगन्जमा आयोजना गरेको साक्षात्कार कार्यक्रममा प्रमुख राणाले आगामी बर्षायामपछि बाँकेलाई कर्णाली प्रदेशमा गाभ्नका लागि आपूmले आन्दोलनको नेतृत्व लिने बताए।
जिल्लालाई ५ नम्बर प्रदेशमा गाभिँदा उनले राष्ट्रिय सञ्जालबाट टाढिएको भन्दै दुःख पनि व्यक्ति गरे। ‘कोहीले बोल्न सकिरहेका छैनन् तर ५ नम्बरमा हामी कोही खुसी छैनौं। हामीसँग राष्ट्रिय कनेक्टिभिटी पनि छैन, सोसल कनेक्टिभिटी छैन। आर्थिक कनेक्टिभी पनि छैन।’
उच्च अदालत तुलसीपुर जाँदा नेपालगन्जले राजधानीको अवसर गुम्दा तत्कालीन समयमा प्रधानमन्त्री तथा कांग्रेस सभापति सुशील कोइरालाले पहल नगरेको उनको गुनासो थियो।
शाहीकालमा क्षेत्रीय कार्यालय नसार्ने आन्दोलनको नेतृत्व आपूmले गरेको दाबी गर्दै उनले तत्कालीन सात दलका कारण आन्दोलन तुहिएको स्मरण पनि गरे।