तीन किलो चरेससहित क्यानेडियन नागरिक पक्राउ
काठमाडौँ : प्रहरीले तीन किलो चरेससहित आइतवार त्रिभुवन विमानस्थलबाट एक विदेशी नागरिकलाई पक्राउ गरेको छ ।
त्रिभुवन विमानस्थलको सुरक्षार्थ खटिएको प्रहरी टोलीले चरेससहित ६१ वर्षीय क्यानेडियन नागरिक टेनिडेनिस लेगलाई पक्राउ गरेको हो ।
महानगरीय प्रहरी कार्यालय रानीपोखरीका प्रवक्ता एवम् प्रहरी उपरीक्षक पूजा सिंहका अनुसार हाते झोलामा राखेर चरेस लैजाँदै गर्दा उनी पक्राउ परेका हुन् ।