कालिकोट आगलागी : ५२ घर जलेर नष्ट, आगो नियन्त्रण बाहिर (अपडेट)
पुष ९, २०७५ सोमबार ९:१५:०
कालिकोट : कालिकोट जिल्लाको पलाँता गाउँपालिका–१ खाडामा भीषण आगलागी हुँदा ५२ घर जलेर नष्ट भएको सोही गाउँकी बासिन्दासमेत रहेकी गाउँपालिका उपाध्यक्ष दानादेवी न्यौपानेले जानकारी दिएकी छिन् ।
उनका अनुसार आगलागीमा परी ११ जना घाइते भएका छन् । घाइतेको अवस्था भने गम्भीर नहरेको उपाध्यक्ष दानादेवीले बताइन् । केही समयअघि मात्रै १६ जना प्रहरीको टोली घटनास्थल पुगेको र आगो निभाउने प्रयास जारी रहको उनले जानकारी दिइन् ।
जिल्ला प्रशासन कार्यालयका अनुसार आगो नियन्त्रणा बाहिर छ । थप सहयोगका लागि नेपाली सेनाको टोली थिर्पुबाट घटनास्थल जाँदैछ ।
आगलागीमा परी थुप्रै चौपायहरु जलेर मरेको, लत्ताकपडा, अन्नपातलगायत थुप्रै धनमालहरु जलेर नष्ट भएको गाउँपालका उपाध्यक्ष न्यौपाने बताइन्
प्रतिक्रिया दिनुहोस !
