वीरगन्ज : वीरगन्जमा आयोजित प्रथम इन्डो नेपाल तेक्वान्दो च्याम्पियनसिपमा पर्सा पहिलो भएको छ। चार स्वर्ण, दुई रजत र एक कांस्य जित्दै आयोजक पर्सा पहिलो भएको हो।
तीन स्वर्ण, दुई रजत र दुई कांस्य जितेको भारत बिहारको टिम दोस्रो भयो। प्रतियोगितामा विभागीय टोली सशस्त्र प्रहरीको एपीएफ तेस्रो भयो। एपीएफले दुई स्वर्ण, दुई रजत र तीन कांस्य जित्यो।
पहिलो भएको पर्साले २५ हजार, बिहारले १५ हजार र तेस्रो भएको एपीएफले १० हजार रुपैयाँ पुरस्कार पाए।
प्रतियोगितामा पुरुषतर्फ भारतका विपुल कुमार र महिलामा आयोजक टिमकी नाजिया हुसेन सिद्धिकी उत्कृष्ट खेलाडी चुनिए।
प्रतिक्रिया दिनुहोस !
