बसले मोटरसाइकललाई ठक्कर दिँदा दुईजना गम्भीर घाइते, चालक फरार
फागुन ३, २०७५ शुक्रबार २०:५:०
धादिङ : पृथ्वीराजमार्गको नौबिसे–मुग्लिन सडकखण्ड अन्तरगत धादिङको थाक्रे गाउँपालिका–१ एक्लेफाँटमा यात्रुवाहक बसले मोटरसाइकलाई ठक्कर दिँदा दुईजना गम्भीर घाइते भएका छन् ।
धादिङबेसीबाट काठमाडौंतर्फ जाँदै गरेको बा ३ ख ८९३४ नम्बरको ग्रामिण यातायातको बसले विपरित दिशाबाट आइरहेको बा ४२ प ५९२८ नम्बरको मोटरसाइकललाई ठक्कर दिएको थियो ।
दुर्घटनामा मोटरसाइकलमा सवार दुवैजना गम्भीर घाइते भएका हुन् । उनीहरुलाई उपचारको लागि काठमाडौंस्थित वीर अस्पताल पठाइको छ । जिल्ला प्रहरी कार्यलय धादिङका सुचना अधिकारी डिएसपी प्रकास विष्टका अनुसार दुर्घटनापछि बसका चालक फरार रहेकाले खोजी कार्य जारी छ । बस र मोटरसाइकललाई अहिले सिम्लेस्थित अस्थायी प्रहरी पोष्टमा नियन्त्रणमा राखिएको छ । दुर्घटनामा घाइते भएकाहरुको परिचय खुल्न सकेको छैन ।
प्रतिक्रिया दिनुहोस !
