नुवाकोट : नुवाकोट दरवार क्षेत्रनजिकै रहेको एनसेलको टावरमा आगजनी भएको छ । विदुर नगरपालिका–२ अशोकवाटिका डँंडामा रहेको एनसेलको टावरमा शुक्रबार राति अज्ञात समूहले आगजनी गरेको जिल्ला प्रहरी कार्यालय नुवाकोटले जनाएको छ ।
आगजनीबाट एनसेलको टावरका विभिन्न उपकरण जलेर ध्वस्त भएको जिल्ला प्रहरी प्रमुख प्रहरी उपरीक्षक कृष्णबहादुर पल्लिमगरले जानकारी दिए । आगजनीबाट १० लाख रुपैयाँ बराबरको क्षति भएको अनुमान गरिएको छ ।
आगजनीपछि उक्त टावरमार्फत जोडिँदै आएको एनसेलको फोनसेवा अवरुद्ध भएको छ । आक्रमण गर्ने व्यक्ति तथा समूहको पह्चिान भइनसकेको र अनुसन्धान जारी रहेको प्रहरीले जनाएको छ ।
प्रतिक्रिया दिनुहोस !
