गाईघाट : उदयपुरको कटारी नगरपालिका ५ भोर्लेमा गोरुले हान्दा गोरु धनीको मृत्यु भएको छ।
आइतबार दिउँसो गोरु फुकाउने क्रममा गोरुले हानेर घाइते भएका ५० वर्षीय तीर्थबहादुर तामाङको उपचारका लागि विराटनगर लाने क्रममा बाटोमै मृत्यु भएको हो।
कटारी अस्पतालमा उपचार सम्भव नभएपछि थप उपचारका लागि विराटनगर लाने क्रममा उनको मृत्यु भएको इलाका प्रहरी कार्यालय कटारीका प्रमुख डीएसपी ध्रुव श्रेष्ठले जानकारी दिए।
एक साताअघि कटारी क्षेत्रमै एक बालकलाई अर्को बालकले गोरुको पुच्छरमा बाँधिदिँदा बालकको मृत्यु भएको थियो।
प्रतिक्रिया दिनुहोस !
