काठमाडौं : परीक्षा नियन्त्रण कार्यालयले यो वर्ष शनिबार पनि माध्यमिक शिक्षा परीक्षा (एसईई) सञ्चालन गर्ने भएको छ। परीक्षा तालिका पनिकाले यसअघि नै सार्वजनिक गरिसकेको छ। परीक्षा चैत १० गतेदेखि सुरु भएको हाे।
विगतका वर्षमा शनिबार बिदा दिने चलन थियो। यो वर्ष भने परीक्षा सञ्चालन गर्ने तालिका सार्वजनिक भए पनि नेत्र विक्रमचन्द ‘विप्लव’ नेतृत्वको नेपाल कम्युनिस्ट पार्टीले सोही दिन आमहड्तालको घोषणा गरेको छ ।
उक्त दिन अनिवार्य स्वास्थ्य, जनसंख्या तथा वातावरण विषयको परीक्षा छ।
परीक्षा नियन्त्रण कार्यालयले परीक्षालाई कसरी सहज रुपमा सञ्चालन गर्ने भन्ने विषयमा छलफल भइरहेको जनाएको छ। चैत १० गतेबाट सुरु भएको सईई परीक्षा २१ गते सम्पन्न हुँदैछ। परीक्षामा चार लाख ७५ हजार सहभागी छन्।
प्रतिक्रिया दिनुहोस !
