काठमाडौं : राजधानीको चक्रपथकै पुलमुनी नदेखिने गरी फालिएको अवस्थामा एक युवकको शव भेटिएको छ। चक्रपथको कलंकी-स्वयम्भू सडकखण्ड अन्तर्गत स्यूचाटार पुलमुनी मंगलबार बिहान अन्दाजी ३०–३५ वर्षीय युवकको शव भेटिएको हो।
फोहोरमा प्लास्टिक संकलन गर्ने सडक बालकलले फोहोरले छोपेको अवस्थामा शव देखेपछि हल्लाखल्ला भएको थियो । त्यसलगत्तै पुगेको प्रहरीले शव घेरा हालेर अनुसन्धान सुरु गरेको छ । 
युवकको घाटी र कम्बरमा धारिलो हतियार प्रहार गरेको देखिन्छ । उनको पेट क्षतविक्षत हुनेगरी काटिएको छ । प्रहरीले कसैले हत्या गरेर फालेको आशंका गरेको छ । अनुहार प्रष्ट भए पनि मृतक युवाको शरीरमा भने चोट देखिन्छन्।
नेपाल प्रहरीको अपराध अनुसन्धान महाशाखाको टोली घटनास्थलमा पुगिसकेको छ । मृतक युवाको पहिचान हुन बाँकी रहेको प्रहरीको भनाइ छ।
प्रतिक्रिया दिनुहोस !
