सिरहा : प्रहरी चौकी ठाडीबाट खटिएको प्रहरी गस्ती टोलीले सीमावर्ती भगवानपुर गाउँपालिका- ४ स्थित दशगजा मिनि बजार जाने बाटोबाट भारतीय नागरिकलाई कटुवा पेस्तोलसहित पक्राउ गरेको छ।
पक्राउ पर्नेमा भारतको मधुबनी जिल्ला ग्राम पञ्चायत बगहा १ बस्ने २८ वर्षीय राजेश कुमार यादव रहेको सिरहा प्रहरी प्रवक्ता तथा डिएसपी माधवराज खरेलले जानकारी गराए। उनका अनुसार यादवको साथबाट एक थान पेस्तोल, खाली खोका र गोली बरामद गरिएको छ।
पक्राउ परेका यादवलाई इलाका प्रहरी कार्यालय लहानमा राखि अनुसन्धान बढाइएको डिएसपी खरेलले बताए। अनुसन्धानका लागि जिल्ला अदालत सिरहाबाट म्याद थप गरिएको छ।
प्रतिक्रिया दिनुहोस !
