मकवानपुर : पत्रकार तथा साहित्यकार गिरिजा अधिकारीले लेखेको गीतमाथि बनेको म्युजिक भिडियो भीमफेदी गाइजले बजारमा ल्याएको छ। यसअघि पुष्पण प्रधानको आवाजमा भीमफेदी गाइजले फिचरिङ गरेको ‘ए सरकार’ को सिक्वेलको रुपमा यो म्युजिक भिडियो बजारमा आएको हो ।
निर्मल लामाको निर्देशनमा बनेको ‘ए सरकार– २’ को म्युजिक भिडियोमा नेपाली परिवेशलाई उतारिएको छ। देबेन्द्र कार्कीको स्वर र विकास पाण्डेको संगीत रहेको गीतको एरेन्ज रिकेश गुरुङले गरेका हुन्।
पवन सुसलिङले क्यामरा चलाएको म्युजिक भिडियोमा सिंहदरबार निदाएको भन्दै व्यङ्ग गरिएको छ। घुसखोरी र भ्रष्ट्राचारको अन्त्य कहिले हुने भन्दै सरकारमाथि लगातार प्रश्न सोधिएको छ। गिरिजाको शब्दमा बनेको म्युजिक भिडियो भीमफेदी गाइजले फिचरिङ गरेको हो भने निर्मल लामाले निर्देशन गरेका हुन्।
विकास पाण्डेले संगीत गरेको सो गीतमा देबेन्द्र कार्कीले स्वर दिएका छन्। रिकेश गुरुङको संगीत संयोजन गीतमा नेपालको वर्तमान परिस्थिति उजागर गरिएको छ। सरकारले जनताको अपेक्षा अनुसार काम नगरेको भन्दै सिंहदबार निदाएको उल्लेख छ।
भिडियो :
प्रतिक्रिया दिनुहोस !
