बर्दिबास : लागुऔषधसहित महोत्तरीको बर्दिबासबाट दुई जना पक्राउ परेका छन्। बर्दिबास १४ का ४५ वर्षीय राजेश कुमार शाही र सिन्धुली १० का २१ वर्षीय साजन भुजेल पक्राउ परेका हुन्।
उनीहरूलाई पूर्व–पश्चिम राजमार्ग अन्तर्गत बर्दिबास ३ माइस्थान चोकबाट पक्राउ गरिएको डीएसपी निशान थापाले बताए।
उनीहरूको साथबाट नाइट्रोभेट ट्याब्लेट ८२५ थान, एस्पाइसमो ट्याब्लेट ७२ थान र डाइजेल्याप तथा फेनरागन (एम्पुल) ६/६ थान बरामद गरेको थापाले बताए।
ज ८ प २९३ नम्बरको मोटरसाइकलमा सवार शाही र भुजेललाई चेकजाँको क्रममा पक्राउ गरेको प्रहरीले जनाएको छ।
प्रतिक्रिया दिनुहोस !
