सिरहा : पूर्व–पश्चिम लोकमार्ग अन्तर्गत सिरहाको धनगढीमाई नगरपालिका–११ सोनापुरमा दुईवटा यात्रु बस ठोक्किदा १५ जना घाइते भएका छन्। काँकरभिटाबाट काठमाडौंका लागि छुटेको ना७ख ५३८२ नम्बरको बस र सिरहा माडरबाट राजविराजका लागि छुटेको ना४ख ६७४३ नम्बरको बस बुधबार दिउँसो ठोक्किएका हुन्।
जिल्ला ट्राफिक प्रहरी कार्यालय लहानका प्रमुख मिलन बस्नेतका अनुसार घाइते मध्ये ९ जनाको श्रमजीवी केयर अस्पताल सोनापुर र ५ जनाको आरके मेडिसिटी अस्पताल जिरोमाइलमा उपचार भइरहेको छ।
गम्भीर घाइते भएका धनगढीमाई नगरपालिका–५ का ३० वर्षे बस चालक श्रीनारायण ठाकुरलाई उपचारका लागि विराटनगर रेफर गरिएको छ।
प्रतिक्रिया दिनुहोस !
