नुवाकोट : रसुवागढीबाट सामान लिन केरूङतर्फ जाँदै गरेका दुई कन्टेनरमा क्षति पुगेको छ। गोसाइकुण्ड गाउँपालिका–२ टिमुरे क्षेत्रस्थित सडकमार्गमा केरूङतर्फ जान लाममा रहेका कन्टेनरमा ढुंगा झरेर लागेको हो।
ढुंगाले लागेर ना ५ ख ५८०३ चामल बोकेको कन्टेनर र ना ६ ख ५४९७ नम्बरको खाली कन्टेनरमा क्षति पुगेको हो। त्यसैगरी करेन्ट लागेर आगजनी हुँदा केरुङ जाने लाइनमा रहेको ना ३ ख ४८७४ नम्बरको कन्टेनरमा क्षति पुगेको छ। विद्युतको तारमा आगो लागेपछि रोकिराखेको कन्टेनरमा पनि आगो सल्किएको हो।
त्यसैगरी रसुवागढी नजिकै टिमुरेमा स्याउ बोकेको बा ५ ख ६६६६ नम्बरको ट्रक दुर्घटना भएको हो। मानवीय क्षति नभए पनि गाडीमा क्षति पुगेको रसुवा प्रहरीले जनाएको छ।
रसुवाका प्रमुख जिल्ला अधिकारी अर्जुन भण्डारीले हाललाई राति ९ बजेदेखि धुन्चे–स्याफ्रुवेशी–रसुवागढी सडकमार्गमा सवारीसाधन नचलाउन आग्रह गरेका छन्। सुरक्षाका कारण सो आग्रह गरिएको उनको भनाइ छ।
प्रतिक्रिया दिनुहोस !
