इलाममा ट्रक दुर्घटना : दुईको घटनास्थलमै मृत्यु, दुई जना घाइते
भदौ २१, २०७६ शनिबार ९:२:०
दमक : इलामबाट झापातर्फ आउँदै गरेको मालबहाक ट्रक दुर्घटना हुँदा दुई जनाको घटनास्थलमै मृत्यु भएको छ । शुक्रबार बेलुका ७ बजे रोङ–१ शान्तिपुरबाट मेची राजमार्गतर्फ बाँस बोकेर आउँदै गरेको मे १ ज २२५६ नम्बरको ट्रक सडकबाट करिब ५० मिटर तल खस्दा चालकसहित दुई जनाको घटनास्थलमै मृत्यु भएको हो ।
मृत्यु हुनेमा झापा दमक–५ का ध्रुब कार्की रहेको प्रहरीले जनाएको छ । मृतकको भाउजुले प्रहरीलाई फोन गरेर ट्रकको चालक मेरो देवर हो भनेका आधारमा उनको पहिचान गरिएको इलाका प्रहरी कार्यालय पशुपतिनगरका प्रहरी निरीक्षक रमेश राईले जानकारी दिए । अर्का एक जनाको भने सनाखत हुन सकेको छैन । उनको शव गाडि मुनी किचिएको अवस्थामा शनिबार बिहान फेला परेको थियो ।
दुर्घटनामा घाइते भएका नरेश खड्का र रमेश चौहानको बिर्तामोड स्थित बी एण्ड सी अस्पतालमा उपचार भइरहेको छ । उनीहरुको अवस्था खतरामुक्त रहेको अस्पतालले जनाएको छ। दुर्घटनाका विषयमा अनुसन्धान भइरहेको राईले बताए ।
प्रतिक्रिया दिनुहोस !
