राजविराज : मन्त्र फुकेर चौपाया मारेको भन्दै अमानविय व्यवहार गर्ने एक जना पक्राउ परेका छन्। सप्तरीस्थित बोदे बर्साईन नगरपालिका–६का गोवर्धन यादव पक्राउ परेको हुन्।
छिमेकी महिलालाई ‘बोक्सी’ भन्दै गाली र कुटपिट गरेको आरोपमा यादवलाई पक्राउ गरिएको इलाका प्रहरी कार्यालय कल्याणपुरका इन्सपेक्टर बिष्णुप्रदिप बस्यालले जानकारी दिए।
आरोपितहरु जसोदेवि यादव, दुर्गाप्रसाद यादव र अनितादेवि यादवको खोजीकार्य भइरहेको इन्सपेक्टर बस्यालले बताए। आरोपीले ती महिलालाई ‘बोक्सी’ भन्दै मन्त्रद्वारा गाईवस्तु मारेको आरोप लगाएर गत जेठ ५ गते गालीगलौज गरी कुटपिटसमेत गरेका पीडितले बताएकी छन्।
प्रतिक्रिया दिनुहोस !
