घुम्न आएका दुई विदेशी सम्पर्कविहीन
नुवाकोट : दुईजना विदेशी पर्यटक रसुवाको हिमाली भेगवाट सम्पर्कविहीन भएका छन्। पर्यटकीय हिमाली रसुवाको उत्तरपश्चिमी भेगमा रहेको थुमन क्षेत्रबाट पदयात्रा गर्न पुगेका दुई विदेशी पर्यटक हराएको जिल्ला प्रहरी कार्यालय रसुवाले जानकारी दिएको छ।
सदरमुकाम धुन्चेदेखि २५ किलोमिटर उत्तरपश्चिमी भेगमा रहेको थुमनवाट दक्षिण कोरियाका ४२ वर्षीय सिसङ र नेदरल्याण्ड्सका २७ वर्षीय थोमस व्यक्स गत भदौ २७ गते शुक्रबारदेखि सम्पर्कविहीन भएको प्रहरी निरीक्षक हेमन्त थापाले जानकारी दिए। स्थानीयवासीलाई उद्धृत गर्दै थापाले गोसाइकुण्ड गाउँपालिका–१ थुमनबाट उनीहरु सम्पर्कविहीन भएको बताए।
सम्पर्क भएका दुईजनाको खोजीकार्य जारी रहेको थापाले बताए। उनीहरु तामाङ सम्पदा मार्गमा पदयात्रा गरिरहेको क्रममा बेपत्ता भएको जनाइएको छ।