राजविराज : सप्तरीको छिन्नमस्ता गाउँपालिका– २ मोहनपुरबाट सशस्त्र प्रहरीले मदिरासहित अवैध हतियार बरामद गरेको छ।
सशस्त्र प्रहरी बल, नेपाल बोर्डर आउट पोष्ट छिन्नमस्ताबाट सशस्त्र प्रहरी निरीक्षक नविन बुढाथोकीको कमाण्डमा खटिएको पैदल गस्ती टोलीले ‘मेड इन इग्लैण्ड’ लेखिएको सिक्सर पेस्तोल एक थान र सोमा लोड दुई राउण्ड गोली बरामद गरेको सशस्त्र प्रहरी उपरिक्षक उद्धव न्यौपानेले बताए।
न्यौपानेका अनुसार नम्बर नलेखिएको मोटरसाइकलमा नेपालबाट भारततर्फ मदिरा तस्करी गरिरहेको अवस्थामा सशस्त्र प्रहरीलाई देखेपछि तस्कर पेस्तोल र मदिरा छोडेर भागेका थिए। तस्करले छाडेको मोटरसाइकल चेकजाँच गर्ने क्रममा बोराभित्र २८ थान कस्तुरी र पेस्तोल फेला परेको उनले बताए।
बरामद गरिएको पेस्तोल, मदिरा र मोटरसाइकल मङ्गलबार इलाका प्रहरी कार्यालय सखडाको जिम्मा लगाइएको तथा घटनाको आवश्यक अनुसन्धान भइरहेको प्रहरीले जनाएको छ।
प्रतिक्रिया दिनुहोस !
