राजविराज : तिब्र गतिको मोटरसाइकलको ठक्करले सोमबार बिहान सप्तरीको सप्तकोशी नगरपालिकामा पैदल यात्रुको मृत्यु भएको छ।
सप्तकोशी नगरपालिका ५ गंगाजली टोलस्थित कञ्चनरुप-फत्तेपुर भित्री सडकखण्डमा भएको दुर्घटनामा सप्तकोशी नगरपालिका १ नयाँ बजारका ३५ वर्षीय राजेश शर्माको घटनास्थलमै मृत्यु भएको इलाका प्रहरी कार्यालय कञ्चनरुपका डीएसपी मकेन्द्रकुमार मिश्रले जानकारी दिए।
कञ्चनरुपबाट फत्तेपुर जाँदै गरेको को ३३ प ५२७ नम्बरको मोटरसाइकलको ठक्करले शर्माको घटनास्थलमै मृत्यु भएको मिश्रले बताए।
अत्यधिक गतिका कारण मोटरसाइकल चालक सप्तरीको कञ्चनरुप नगरपालिका ११ ठेलियाका २६ वर्षीय दिपेशकुमार गोजेवारसमेत उछिट्टिएर घाइते भएका छन्।
डीएसपी मिश्रका अनुसार टाउको फुटेको र शरीरको विभिन्न भागमा चोट लागेकोले गोजेवारको स्थानीय पोली क्लिनिक फत्तेपुरमा उपचार भइरहेको छ।
प्रतिक्रिया दिनुहोस !
