राजविराज : सप्तरीको राजविराज नगरपालिका ९ मलेठमा भएको दुर्घटनामा घाइतेमध्ये एक जनाको उपचारका क्रममा आइतबार राति धरानमा मृत्यु भएको छ।
राजविराज–रुपनी सडक खण्डमा स १ त ४३६९ नम्बरको ट्याक्टरको ठक्करले घाइते भएका बा ३८ प ७१९५ नम्बरको मोटरसाइकल चालक सप्तरीको रुपनी गाउँपालिका ५ मुसहरनियाका १९ वर्षीय दिपेश यादवको उपचारका क्रममा मृत्यु भएको जिल्ला प्रहरी कार्यालय सप्तरीका डीएसपी तिलक भारतीले जानकारी दिएको छ।
घाइते यादवको धरानस्थित बीपी कोइराला स्वास्थ्य विज्ञान प्रतिष्ठानमा उपचारका क्रममा मृत्यु भएको डीएसपी भारतीले बताए।
राजविराज आउँदै गरेको ट्याक्टरले राजविराजबाट रुपनीतर्फ जाँदै गरेको मोटरसाइकललाई आइतबार साँझ ठक्कर दिएको थियो। मोटरसाइकल पछाडि सवार सप्तरीको रुपनी गाउँपालिका ५ का २२ वर्षीय रुपेशकुमार खंगको दुबै खुट्टामा चोट लागेको छ। उनको गजेन्द्रनारायण सिंह अस्पताल राजविराजमा उपचार भइरहेको छ।
प्रतिक्रिया दिनुहोस !
