राजविराज : सप्तरीको रुपनी गाउँपालिकाको पोखरीमा शनिवार एक शिशु मृत अवस्थामा फेला परेकी छिन्। रुपनी गाउँपालिका-३ हर्दियास्थित पोखरीमा भर्खरै जन्मिएकी शिशु बालिका मृत अवस्थामा फेला परेको जिल्ला प्रहरी कार्यालय सप्तरीले जानकारी दियो। गाउँको भित्री सडक खण्डको पूर्वमा रहेको तिलेश्वर साहको पोखरीमा माछा मार्नका लागि हालेको जालमा बालिका मृत फेला परेको डिएसपी तिलक भारतीले बताए।
पोखरीको छेउमा बाँसको ढकियासमेत फेला परेकाले सोही ढकियामा ल्याएर पोखरीमा मिल्काएको हुन सक्ने स्थानीयको अनुमान छ। अवैध गर्भ रहेकाले वा छोरी जन्मिएको कारण हत्या गरी मिल्काएको हुन सक्ने प्रहरीले जनाएको छ। प्रहरीका अनुसार घटनाको थप अनुसन्धान भइरहेको छ।
शवलाई पोष्टमार्टमका लागि राजविराजस्थित गजेन्द्रनारायण सिंह अस्पतालमा ल्याइए पनि पोष्टमार्टम हुन सकेको छैन।
प्रतिक्रिया दिनुहोस !
