दुई मोटरसाइकल र स्कुटर ठोक्किदा दुईको मृत्यु, पाँच घाइते
माघ १७, २०७६ शुक्रबार १८:५:०
बुटवल : रुपन्देहीको सैनामैनामा सडकमा दुई मोटरसाइकल र स्कुटर एकआपसमा ठोक्किँदा दुई जनाको मृत्यु भएको छ। दुर्घटनामा एक जना गम्भीर घाइते र चार सामान्य घाइते भएका छन्। शुक्रबार साँझ लु २४ प ७४७२ नम्बरको स्कुटर र लु ४२ प ७०९६ र लु ३५ प ५०१९ नम्बरका मोटरसाइकल रामापुरमा एकापसमा ठोक्किएर दुर्घटना भएको हो।
दुर्घटनामा सैनामैना नगरपालिका -७ का सुदीप चौधरी र कालु भनिने नविन चौधरीको मृत्यु भएको प्रदेश ट्राफिक प्रहरी कार्यालय बुटबलले जानकारी दिएको छ । गम्भीर घाइते भएका सन्तराम चौधरीको लुम्बिनी प्रादेशिक अस्पतालमा उपचार भइरहेको छ। तीब्र गतिका कारण एउटा मोटरसाइकलले अर्काेलाई ठक्कर दिएको प्रहरीले जनाएको छ ।
यो सातामात्रै रुपन्देहीमा दुर्घटना परी नौ जनाको मृत्यु भएको छ । मंगलबार भैरहवा–परासी सडकमा ट्रक एकआपसमा ठोक्किदा तीन जनाको मृत्यु भएको थियो । बिहीबार मात्रै भैरहवामा बोराले च्यापिएर चार जनाले ज्यान गुमाए ।
प्रतिक्रिया दिनुहोस !
