राजविराज : कोरोना भाइरस (कोभिड-१९) को रोकथाम र नियन्त्रणका लागि सप्तरीमा तीन सय ६९ शैयाको क्वारेन्टाइन सञ्चालन गरिएको छ। भारतलगायत विदेशबाट आएका व्यक्तिलाई निगरानीमा राख्नका लागि सप्तरीको १७ वटा स्थानीय तहले आ-आफ्नो श्रोत साधनलाई उपयोग गर्दै क्वारेन्टाइन निर्माण गरेका हुन् ।
राजविराज नगरपालिका २ स्थित साइकृष्ण मेडिकल कलेज एण्ड हस्पिटलमा २५, कञ्चनरुप नगरपालिकास्थित सर्वोदय माविमा १२, शंकर माविमा १२ र बदगामा स्वास्थ्य चौकीमा १०, डाकनेश्वरी नगरपालिकास्थित कच मावि पातोमा ५, बोदे बर्साइन नगरपालिकास्थित जियालाल माविमा १० र जीवनदिप अस्पतालमा ७, शम्भुनाथ नगरपालिका ७ स्थित बुद्धिलाल बिद्या मुनर नमूना मावि भगवतपुरमा १०, सुरुङ्गा नगरपालिका ५ स्थित मछिलाल मावि कुशहामा १०, हनुमाननगर कंकालिनी नगरपालिका ११ स्थित सामुदायिक भवनमा ३० र वडा नम्बर २ स्थित सकरदही विद्यालयमा २०, सप्तकोशी नगरपालिकास्थित गोबैज मावि फत्तेपुरमा २१ र जनता मावि भगनी मलेठमा २१ शैया क्षमताको क्वारेन्टाइन सञ्चालनमा ल्याइएको स्वास्थ्य कार्यालय सप्तरीले जनाएको छ ।
स्वास्थ्य कार्यालयका निमित्त प्रमुख दुनियालाल यादवका अनुसार राजगढ गाउँपालिकास्थित जसमावि नर्घोमा ३०, अग्नीसाइर कृष्णसवरण गाउँपालिकास्थित जनचेतना मावि घोघिदाहामा २४, छिन्नमस्ता गाउँपालिका ३ स्थित चौरसिया धर्मशालामा २५, महादेवा गाउँपालिका १ स्थित नरबहादुर थापा मावि पकरीमा २५, तिलाठी कोइलाडी गाउँपालिकास्थित लबनमावि बमनगामा कट्टीमा १५ र बृद्धाश्रममा १०, रुपनी गाउँपालिका ४ स्थित जमुनी मधेपुरा माविमा १०, बिष्णुपुर गाउँपालिकास्थित जनता मावि बिष्णुपुर कट्टीमा १५, बलान बिहुल गाउँपालिकास्थित स्वास्थ्य चौकी मल्हनियामा १८ र तिरहुत गाउँपालिकास्थित सरस्वती जनता मावि लोहजरामा ४ शैया क्षमताको क्वारेन्टाइन निर्माण गरी सञ्चालनमा ल्याइएको छ । खडक नगरपालिकामा भने क्वारेन्टाइन निर्माण भएको छैन् ।
प्रतिक्रिया दिनुहोस !
