उदयपुर : उदयपुरको विभिन्न ठाँउमा चट्याङले लागेर ६ जना घाइते भएका छन् । सोमबार राती हावाहुरी र वर्षासँगै चट्याङले लागेर ६ सर्वसाधरणसहित पशुचौपायामा क्षति पुगेको हो ।
कटारी नगरपालिका ११ बेतीनीका ५५ वर्षीय चन्द्रबहादुर आलेमगरको घरमा चट्याङ पर्दा चन्द्रबहादुर, श्रीमती ४८ वर्षीया मनकुमारी, आमा ७० वर्षीया मनमाया, छिमकी १६ वर्षीय सुमन मगर, वडानं ६ रिस्कुका १२ वर्षीय अस्मान राई र त्रियुगा नगरपालिका ५ दमौतिका २७ वर्षीया सुस्मा मगर घाइते भएका छन् ।
घाइते चन्द्रबहादुरको आँखा, मनकुमारीको खुट्टा, आमा मनमायाको कुम, सुमनको टाउको, अस्मानको छाती र सुस्माको पाखुरामा चोट लागेको जिल्ला प्रहरी कार्यालयका एसपी विरबहादुर बुढामगरले जानकारी दिए ।
घाइतको जिल्ला अस्पताल र कटारी अस्पतालमा उपचार भइरहेको एसपी मगरले बताए । चट्याङले लागेर चन्द्रबहादुरको खोरमा बाँधेको १ माउँ बाख्रा, कटारीका खुमबहादुरको ३ वटा बंगुर र धनकुमारीको २ वटा बंगुर पनि मरेका थिए।
यसैबीच सोमबार रातीको हावाहुरीले त्रियुगा नपा ६ का कृष्णप्रसाद ढुङगानाको २ तले घरको जस्ताको छाना उडाउँदा ८० हजार बराबरको क्षति भएको जनाइएको छ ।
प्रतिक्रिया दिनुहोस !
