बेनी : म्याग्दीका एक युवाको बिहीबार शंकास्पद मृत्यु भएको छ । रघुगंगा गाउँपालिका–२ भगवतिका २७ वर्षीय अनिल केसीको मृत्युलाई शंकास्पद रुपमा हेरिएको छ ।
बेनी नगरपालिका–८ शिक्षामार्गमा बस्दै आएका केसी बुधबार राति बेनी–गलेश्वर सडक अन्तरगत डल्लेपिपलमा अचेत अवस्थामा फेला परेका थिए ।
घटनास्थलबाट उठाएर बेनी अस्पतालमा ल्याउँदा चिकित्सकले मृत घोषित गरेका जिल्ला प्रहरी कार्यालयका डिएसपी किरनजंग कुँवरले बताए ।
‘नालीमा पल्टिएको अवस्थामा भेटिएका केसीको टाउकोमा चोट देखिएको छ,’ उनले भने ‘पोष्टमार्टमसंगै हिजो उनको संगतमा रहेकाहरुसंग सोधपुछ गरिरहेका छौ ।’
केसीको हत्या भएको भन्दै परिवार र आफन्तले छानविनको माग गरेका छन् । भिरबाट लडेको अथवा अरु कसैले कुटपिट गरेको भन्ने विषयमा अनुसन्धान भैरहेको प्रहरीले जनाएको छ ।
म्याग्दीको बेनी बजार ।
प्रतिक्रिया दिनुहोस !
