बालुवा निकाल्ने क्रममा ढिस्कोले पुरेर पतिपत्नीको मृत्यु, २ जना घाइते
जेठ १४, २०७७ बुधबार ८:१:०
जाजरकोट : स्वास्थ्य चौकी निर्माणका लागि बालुवा निकाल्ने क्रममा जाजरकोटमा पतिपत्नीको पुरिएर मृत्यु भएको छ । नलगाड नगरपालिका–९ तात्रका ३६ वर्षीय एक्कबहादुर सिंह र उनकी पत्नी ३३ वर्षीया कुमारी सिंहको बालुवाको ढिस्कोले पुरिएर मृत्यु भएको प्रहरीले जनाएको छ ।
पत्नी कुमारीको घटनास्थलमा नै मृत्यु भएको र गम्भीर घाइते एक्क बहादुरको उपचारका लागि नेपालगन्ज लैजाँदै गर्दा बाटोमै मृत्यु भएको जिल्ला प्रहरी कार्यालय जाजरकोटका प्रमुख डीएसपी किशोर श्रेष्ठले जानकारी दिए।
‘पत्नी कुमारीको घटनास्थलमा नै मृत्यु भएको र गम्भीर घाइते पतिलाई उपचारका लाग िनेपालगन्ज लैजाने क्रममा मंगलबार राति खलंगा जिक मृत्यु भएको हो ।’ डीएसपी श्रेष्ठले भने।
खिरखिरे भन्ने ठाँउमा बालुवा निकाल्ने क्रममा घाइते कमला सिंह र तारा सिंहको प्राथमिक स्वास्थ्य केन्द्र दल्लीमा उपचार भइरहेको छ । उनीहरुको अवस्था सामान्य छ । उनीहरुले बालुवा निकाल्दै गर्दा एक्कासी आएको ढिस्कोले पुरेको थियो ।
प्रतिक्रिया दिनुहोस !
