मुगु : खत्याड गाँउपालिका-५ हलेखाडामा रहेको क्वारेन्टाइनमा रहेका एक २७ वर्षीय युवकमा कारोना भाइरसको संक्रमण पोजिटिभ देखिएको छ । भारतबाट आएका खत्याड गाँउपालिका -२ घर भएका युवामा कोरोना पुष्टि भएका हो ।
भारतबाट आएका खत्याडबासीलाई खत्याड गाँउपालिकाले सोही गाँउपालिकाको हलेखाडा, छोट र झुगलामा क्वारेन्टाइन स्थापन गरेको छ । कोरोना संक्रमित युवासहित अन्य ४७ जना भारतबाट आएका थिए । ४८ जानलाई हलेखाडा क्वारेन्टाइनमा राखिएको थियो । ४८ जनाको स्वाव संकलन गरी परीक्षणका लागि कर्णाली स्वास्थ्य विज्ञान प्रतिष्ठान जुम्ला पठाइएको थियो । ४८ जनाको स्वाव परीक्षण गर्दा एक जनामा पोजिटिभ देखिएको जिल्ला स्वास्थ्य सेवा कार्यालय मुगुका प्रमुख निर्मल नगरकोटीले जानकारी दिए ।
कोरोना संक्रमित युवालाई बिहीबारै रातापानी प्राथमिक स्वास्थ्य केन्द्रमा रहेको आइसोलेसन वार्डमा राखिएको छ । उनको स्वास्थ्य अवस्था सामान्य रहेको चिकित्सकले बताएका छन् । जिल्लाका रहेका चारवटा स्थानीय तहमध्ये सबैभन्दा बढी भारतबाट सोही गाउँपालिकाका भित्रिएपछि सरोकारवालाले यो गाउँपालिका कोरोना भाइरस संक्रमणको उच्च जोखिममा रहेको बताउँदै आएका छन् ।
संक्रमित रहेको क्वारेन्टाइनमा रहेका अन्य ४७ जनाको १ हप्तापछि आरडीटी परीक्षण गरेर मात्र घर पठाउने र जुम्लामा पीसीआर परीक्षणका लागि लोड बढी भएकाले एक हप्तासम्म भिटिएम नपठाउनु भनेकाले भारतबाट आएका तथा अन्यको एक हप्तासम्म स्वाब संकलन नगरिने पनि डाक्टर नगरकोटिले बताए।
प्रतिक्रिया दिनुहोस !
