राजविराज : सप्तरीमा भारतको तीन अलग सहरबाट आएका तीनजना नेपालीमा कोरोना संक्रमण देखिएको छ । सप्तरीको छिन्नमस्ता गाउँपालिका-५ का ३३ वर्षीय पुरुष तथा सुरुङ्गा गाउँपालिका-१ का २८ वर्षीय र वडा नम्बर २ का ३५ वर्षीय पुरुषमा कोरोना संक्रमण पुष्टि भएको स्वास्थ्य कार्यालय सप्तरीले जनाएको छ । उनीहरु क्रमशः भारतको मुम्बई, हरियाणा र दिल्लीबाट आएका हुन् ।
राजविराजस्थित गजेन्द्रनारायण सिंह अस्पतालमा गरिएको परीक्षणअनुसार तीनजनामा कोरोना पोजिटिभ देखिएको स्वास्थ्य कार्यालय, सप्तरीका निमित्त प्रमुख दुनियालाल यादवले बताए । उनीहरु छिन्नमस्ता गाउँपालिकास्थित सखडा मावि र सुरुङ्गा गाउँपालिकास्थित शिशवारी क्याम्पसको क्वारेन्टाइनमा बसेका थिए । तीनैजनालाई आइतबार राजविराज-१ स्थित साइकृष्ण मेडिकल कलेज एण्ड हस्पिटलको आइसोलेसन केन्द्रमा ल्याइएको छ ।
यसैगरी हालसम्म कोरोनालाई जितेर एक मृगौला रोगी बालक, दुई प्रहरी, एक स्वास्थ्यकर्मीसहित ७१ जना घर फर्किएका छन् ।
प्रतिक्रिया दिनुहोस !
